होती इच्छा उंच उंच जाण्याची
सागराला सामावण्याची
आकाशाला गवसणी घालण्याची
उंच उंच जाण्यासाठी झेप घेतली
परंतु मागची धरणीच हरवली
गेलो सागरा सामावण्या
पण त्याचा तळच हाती लागेना
गेलो आकाशाला गवसणी घालण्या
पण आसमंतात हरवून
माझे मलाच अस्तित्व सापडेना
तरीही आहे इच्छा
सागराला सामावण्याची
नाही जमले तर
एखादा दीपस्तंभ होण्याची
तरीही आहे इच्छा
आकाशाला गवसणी घालण्याची
नाही जमले तर एखादा तारा होण्याची